News

Know about market updates

Korba Hights

٥ حاجات تاخد بالك منها قبل اختيار بيتك الجديد

Blog 2

إذا كنت هتشترى بيت جديد أو هتأجر، لازم تاخد وقتك علشان تقرر عايز إيه بالظبط، وكمان تعرف إذا كان هيناسب ميزانيتك، ويلبى حاجتك…

 بعض الناس بتتسرع وهى بتاخد القرار ده لكن أحنا بننصح بالتأنى علشان هو التزام على المدى الطويل زى الشغل، والزواج، وهكذا، فلازم تستثمر فيه وقتك وجهدك

أحنا فى بيت زووم . كوم سهلناها عليك وجمعنا لك أهم النقاط اللى لازم تركز عليها قبل ما تقرر!

جودة المبنى:

أولا، جودة المبنى، هى أقل حاجة بيسأل عليها الناس أوبيتأكدوا منها بس هى أكتر حاجة المهندسين المتخصصين بينصحون الناس يتأكدوا منها!

إذا كان المبنى أكتمل، اطلب مساعدة مهندس محترف، ولكن إذا كان المبنى مش مكتمل، يبقى شوف حجم العمدان الرئيسية للهيكل وعددهم، علشان تحدد صلابة وقوة المبنى.

الأسعار فى الحى:

بعض الناس مش بيلف يسأل ويدور على الأسعار فالحى، وفى النهاية بيدفع كتير ويندم.

 بننصحك تاخد جولة فى الحى وتسأل الناس اللى عايشين فيه بالفعل عن أسعار المتر، وإيجابيات وسلبيات الحى…أو وفر على نفسك كل ده وادخل على بيت زووم وشوف الأسعار وقارن بينهم 😉

الأساسيات فى محيط العقار:

محدش عايز يعيش فى مكان فيه الاساسيات قليلة أو مش موجوده اصلًا، علشان أحيانًا بيحصل حالات طوارئ وبنكون محتاجين حلول سريعة وقريبة.

 خد جولة فى المكان وشوف فين أقرب مستشفى، أقرب سوبر ماركت، وصيدلية، وصالة رياضية، وتنظيف جاف، ومطاعم الوجبات السريعة، الخ

اسأل كمان إذا كان فيه قريب سباك، نجار، وعمال صيانة موجودين لأى طارئ..

مدة الوصول لأهم الأماكن:

كل شخص عنده أماكن مهمة بيروحها/بتروحها يوميًا أو اسبوعيًا، زى الشغل مثلًا…

إذا كان مكان السكن بعيد عن أماكن الشغل والأماكن الرئيسية والطريق ليها مش كويس وآمن، ودور تانى على مكان قريب وله طرق مختلفة تقدر تتجنب بيها الزحمة فأى وقت.

توفر وجودة المرافق الأساسية:

أخيرا وليس آخرًا، المرافق الأساسية؛ ممكن حياتك تحول حياتك لجحيم لا يطاق، أو جنة.

تأكد من الكهرباء والمياه، والغاز وهكذا، وأن السكان فى المنطقة مش بيشتكوا من أى خلل فيهم.

أكيد، حاجات زى المصاعد، والأمن، والشارع نفسه وغيرها مهمة كمان، لكن أهميتها تختلف من شخص إلى آخر!

بنفكرك لو حابب تدور على بيت جديد، آنك هتلاقيه على بيت زووم من غير أى رسوم. وكمان لو حابب تبيع بيتك القديم أو الحالى، برضوا تقدر تبيعه على بيت زووم . كوم من غير أى رسوم ولا عمولة ولا سمسرة!!

Leave a Reply

Your email address will not be published. Required fields are marked *