شطب ممتلكاتك أسهل
٦ تطبيقات موبيل ومواقع هتساعدك
التشطيب من القرارات اللى مش سهلة بس لابد منها…بتستهلك فلوس وجهد ووقت كبير لكن أكيد متفقين أنها بتحول أى مكان من مجرد مكان لمكانك أنت ببصمتك الخاصة.
وعلشان معظمنا بيواجه مشكلة فى تخيل التشطيب قبل ما يتم، قررنا نجمعلكم ٦ تطبيقات على الموبيل تساعدكم!
-
Houzz Interior Design Ideas
ده التطبيق الأول وهو ممتاز لأنه هيساعدك تشوف الأثاث علشان تعرف اذا كان هيناسب المكان وتشتريه أو لأ. مش كده بس، كمان بيوريك تصاميم داخلية وخارجية علشان يساعدك تعمل الشكل اللى أنت عايزه لممتلكاتك.
- IKEA Catalog
أما بالنسبة للتطبيق ده فهو زى اللى قبله ولكن بيخليك تجرب منتجات ايكيا علشان تشوف شكلها قبل ما تشتريها فى المكان.
كل اللى عليك تعمله هو أنك تفتح كاميرا الموبيل وتجرب أى قطعة من الأثاث أو الديكور اللى عايزها من منتجات ايكيا.
- Homestyler
كمان زى الاتنين اللى قبليها، لازم تبدأ بصورة للأوضة فاضية أو مفروشة. والتطبيق هيقيس الطول والعرض وطول الحيطان وتلقائيا هيعمل تقدير، ولكن ممكن تظبط الأبعاد علشان تخليها دقيقة.
بعد كده، ممكن تختار ألوان الحيطان أو الأرضيات وتملى الفراغ بالأثاث والاكسسوارات والديكوات من سوق التطبيق
roOomy، وفيه كمان زيها Decorator
- Havenly
التطبيق ده كمان من التطبيقات المفيدة جدًا واللى فيه خبراء بينصحوا بأفضل أختيار يتناسب مع أختياراتك ومساحة ممتلكاتك…كل اللى عليك أنك تصور صورة وترفعها وتطلب النصيحة مجانًا من الخبراء.
وفيه كمان زيها Decorator
ده تطبيق هتلاقى عليه تصاميم مختلفة لمساحات مختلفة من جميع أنحاء العالم…كل اللى عليك أنك تبحث بالكلمات المناسبة!
- Color Capture
ده تطبيق لبنيامين مور وبيضم أكثر من 3500 لون فى مجموعته. وهى مجموعة ضخمة، مقارنة للمحلات العادية، وده خلى موضوع أنك توصل لدرجة اللون اللى أنت عايزها أسهل من أى وقت فات.
كل االى مطلوب منك تعمله هو أنك تصور اللون اللى عاجبك أول ما تلاقيه فأى مكان، وهى هتوفرلك درجات اللون وكمان اختيارات الألوان اللى تمشى مع اللون اللى اخترته، وده هيخلى عملية الديكور بسيطة وسهلة.
التطبيقات دي وأكتر متاحة مجانًا على الموبيل…جربها وشاركنا بتجربتك التطبيقات فى التعليقات!
